Aġġornament tal-Qafas Ewropew ta’ Kompetenza Diġitali biex jiġu inklużi l-intelliġenza artifiċjali u l-ħiliet relatati mad-data.

Jeħtieġ li ċ-ċittadini jiksbu fehim bażiku ta’ teknoloġiji ġodda u emerġenti, inkluża l-intelliġenza artifiċjali (IA), sabiex ikunu jistgħu jinvolvu ruħhom b’mod kunfidenti, kritiku u sikur magħhom.

Sensibilizzazzjoni akbar se twassal ukoll għal sensibbiltà mtejba lejn kwistjonijiet potenzjali b’rabta mat-teknoloġiji emerġenti relatati mal-etika, is-sostenibbiltà ambjentali, il-protezzjoni tad-data u l-privatezza elettronika, id-drittijiet tat-tfal, id-diskriminazzjoni u l-preġudizzju – inkluż il-preġudizzju relatat mal-ġeneru, id-diżabbiltajiet, id-diskriminazzjoni etnika u dik razzjali.

Kull Ewropew, inklużi l-istudenti, dawk li qed ifittxu impjieg u l-ħaddiema, jeħtieġ li jkun diġitalment ikkwalifikat biex jadatta għal teknoloġiji ġodda u emerġenti u biex jirnexxi f’soċjetajiet li qed jevolvu b’rata mgħaġġla.

Il-professjonisti tal-edukazzjoni u t-taħriġ fis-setturi kollha u fil-livelli kollha jeħtieġ li jkunu mgħammra bil-kompetenzi u l-kunfidenza meħtieġa biex japplikaw b’mod effettiv firxa wiesgħa ta’ teknoloġiji, inkluża l-IA, fil-ħidma tagħhom.

Għanijiet

Il-Kummissjoni Ewropea aġġornat il-Qafas ta’ Kompetenza Diġitali (DigComp 2.2) biex tinkludi l-ħiliet, l-għarfien u l-attitudnijiet relatati mal-IA u l-użu tad-data. Il-Kummissjoni se tappoġġja wkoll l-iżvilupp ta’ riżorsi ta’ tagħlim tal-IA għall-edukazzjoni u t-taħriġ

L-aġġornament ta’ DigComp 2.2 issa jinkludi appendiċi b’aktar minn 70 eżempju li jistgħu jgħinu liċ-ċittadini jifhmu aħjar fejn u f’liema sitwazzjonijiet fil-ħajja tagħhom ta’ kuljum jistgħu jistennew li jiltaqgħu mas-sistemi tal-IA. Jagħti wkoll eżempji prattiċi tal-modi kif it-teknoloġiji emerġenti jiġu applikati fil-ħajja tagħna ta’ kuljum.

L-għan hu li ċ-ċittadini kollha jingħataw is-setgħa li jsiru utenti kunfidenti, kritiċi u responsabbli tat-teknoloġiji diġitali xprunati mis-sistemi tal-IA u t-teħid awtonomu tad-deċiżjonijiet, kif ukoll li jtejbu l-fehim tagħhom tal-IA, il-potenzjal u l-limitazzjonijiet tagħha.

Attivitajiet ewlenin

2021

• it-tnedija tal-ħidma mal-esperti u l-partijiet ikkonċernati tal-Komunità ta’ Prattika tad-DigComp għall-iskambju ta’ materjali, id-diskussjoni fil-gruppi ta’ ħidma, il-kondiviżjoni tar-riżorsi u l-komunikazzjoni tal-aħħar żviluppi dwar it-teoriji warajha u l-implimentazzjoni tal-edukazzjoni diġitali
• il-ġabra, il-ħolqien, ir-rieżami u l-għażla ta’ eżempji ta’ għarfien, ħiliet u attitudnijiet relatati ma’ teknoloġiji u servizzi diġitali emerġenti, li jiffurmaw  id-dimensjoni 4 tal-qafas
• l-organizzazzjoni ta’ żewġ laqgħat internazzjonali online li fihom il-parteċipanti qablu dwar il-ħiliet, l-għarfien u l-attitudnijiet relatati mal-IA u l-litteriżmu fid-data inklużi f’DigComp 2.2  

Riżultati

2022

• pubblikazzjoni tal-Qafas ta’ Kompetenza Diġitali ta’ DigComp 2.2

Finanzjament

Din l-azzjoni hija ffinanzjata mill-Programm Erasmus+ tal-Unjoni Ewropea.

Aktar informazzjoni

Għal aktar informazzjoni, żur is-sit web ta’ DigComp u ssieħeb fil-Komunità ta’ Prattika biex tappoġġja l-iżvilupp tal-Qafas ta’ Kompetenza Diġitali.

Tista’ tiċċekkja wkoll l-iskeda informattiva, il-fuljett u l-video dwar id-DigComp għal aktar informazzjoni.

Ikkuntattjana

Jekk tixtieq tkun taf iktar dwar din l-azzjoni, tista’ tikkuntattjana permezz tal-email JRC-B4-SECRETARIAT@ec.europa.eu.

Segwi s-ScienceHub tal-UE u EUDigitalEducation fuq Twitter għall-aħħar aħbarijiet u l-iżviluppi dwar din l-azzjoni

Kontenut relatat

Funding

This action receives funding through the Erasmus+ programme.

More information

Visit the DigComp website and join the Community of Practice to support the further development of the Digital Competence Framework.

Check the DigComp factsheet, brochure and video to learn more.