Plean Gníomhaíochta don Oideachas Digiteach – Gníomhaíocht 6

Tá an intleacht shaorga ag éirí níos coitianta san oideachas laethúil, ó uirlisí chun teangacha nua a fhoghlaim go tacaíocht le haghaidh cúrsaí agus ullmhúchán ceachtanna. Cuireann an intleacht shaorga deiseanna móra ar fáil, ach ardaíonn sí ceisteanna eiticiúla, dlíthiúla agus oideolaíocha freisin.

Cén fáth a bhfuil tábhacht leis na treoirlínte seo?

Cuireann an Coimisiún Eorpach na treoirlínte nuashonraithe seo ar fáil chun aghaidh a thabhairt ar na nithe seo a leanas:

• méadú suntasach ar úsáid na hintleachta saorga san oideachas
• rialacháin a tugadh isteach, cuir i gcás an Gníomh um an Intleacht Shaorga, ar gá iad a chomhlíonadh go cúramach
• an méadú atá ag teacht ar an ngá atá le litearthacht eiticiúil chriticiúil san intleacht shaorga

Cé dóibh iad?

Cuireann na treoirlínte tacaíocht phraiticiúil ar fáil do mhúinteoirí agus do bhaill foirne oideachais a oibríonn go príomha sa bhunoideachas agus sa mheánoideachas.

Is cuma má tá tú díreach ag tosú ar an intleacht shaorga agus sonraí a fhiosrú nó má tá ardscileanna digiteacha agat, cuideoidh na hacmhainní sin leat an méid seo a leanas a dhéanamh:

• muinín a chothú: tú féin a chumhachtú chun cinntí eiticiúla eolacha, bunaithe ar chomhthéacs a dhéanamh
• scileanna a fheabhsú: cuidiú leat buntáistí na hintleacha saorga a ghiaráil agus rioscaí féideartha a shainaithint agus a bhainistiú
• feasacht a mhéadú: an t-eolas atá ag teastáil uait a chur ar fáil chun sonraí agus intleacht shaorga a láimhseáil go heiticiúil mar chuid de do chuid cleachtais

An méid atá le fáil sna treoirlínte

Tugann an leagan is déanaí cabhair phraiticiúil duit lena cur i bhfeidhm go díreach i do shuíomh oibre, cuir i gcás:

• Ceisteanna agus cásanna treoracha le huirlisí agus samplaí praiticiúla do shuíomhanna ranga agus scoile.
• Croíphrionsabail agus comhthéacs dlíthiúil, mínithe soiléire ar an nGníomh um an Intleacht Shaorga, ar an Rialachán Ginearálta maidir le Cosaint Sonraí (RGCS), agus ar phrionsabail úsáid fhreagrach na hintleachta saorga san áireamh
• Gluais nuashonraithe ina bhfuil sainmhínithe soiléire ar an intleacht shaorga agus ar théarmaí sonraí lena mínítear an fáth a bhfuil tábhacht leo sa chleachtas oideachais.
• Acmhainní cúlra: sainmhínithe teicniúla, creataí tagartha, agus comhthéacs beartais dóibh siúd ar mian leo léargas níos doimhne a fháil.

Amlíne

Maoiniú

Trí Erasmus+, cuireann an Coimisiún tacaíocht leanúnach ar fáil do thionscadail an phobail maidir leis an intleacht shaorga agus sonraí san oideachas.

Glaonna Erasmus+ 2026 ar thograí maidir le tástáil beartais